Ministria e Kulturës, Rinisë dhe Sportit ka njoftuar se në Galerinë Kombëtare të Kosovës u promovuan dy libra, “Belbëzimet e Universalitetit” dhe “Limitet e Reprezentimit” me autorë Sezgin Boynik dhe Tevfik Rada. Paneli i diskutimit në mes të autorëve, filozofit e teoricientit Shkëlzen Maliqi dhe kuratores së GKK-së, Hana Halilaj, vuri në fokus hijet e historisë së vonë të Kosovës përmes mjeteve kinematografike.
Pas diskutimit, të pranishmit patën mundësi t’i shohin të prezantuara një seri posterash silkscreen së bashku me shkëputje nga filmat që kryejnë funksionin e fotografive të çastit të historisë.
Qëllimi i projektit është ta përfytyrojë këtë histori përmes boshllëqeve të saj dhe t’i vë ato në lëvizje. Ekspozita e trajton filmin si një mjet kërkimor me kapacitet për t’i zbuluar palimpsestet vizuale të kësaj periudhe historike, thuhet në postimin në Facebook të MKRS-së.
