Ministria e Kulturës, Rinisë dhe Sportit ka bërë të ditur se për herë të parë në Kosovë, si ngjarja më e madhe sportive në vend, me 16 dhjetor 2023, në Pallatin e Rinisë dhe Sporteve në Prishtinë, vjen Kampionati Evropian i Xhudos! “European Judo Championships Open Prishtina 2023”
Deri në 50 shtete pjesëmarrëse me mbi 100 xhudistë/e elitarë/e do të garojnë për çmimin e madh prej 300,000€ në total në të gjitha kategoritë.
Kampionati i Hapur Evropian i Xhudos, “European Championships Open”, organizohet në kuadër të programit shtetëror, “Kosova, shtet i xhudos” nga Federata e Xhudos e Kosovës, dhe mbështetet nga Ministria e Kulturës, Rinisë dhe Sportit dhe Federatës Evropiane të Xhudos.
Hyrja do të jetë FALAS për të gjithë, thuhet në postimin në Facebook të MKRS-së.
