Ministria e Mbrojtjes ka njoftuar se është nënshkruar Plani Bilateral mes Ministrisë së Mbrojtjes së Republikës së Kosovës dhe Ministrisë së Mbrojtjes së Austrisë.
Plani Bilateral është nënshkruar në margjinat e iniciativës së Bashkëpunimit të Mbrojtjes së Evropës Qëndrore dhe Ballkanit Perëndimor, të zhvilluar në Pragë të Republikës Çeke.
Drejtori i Departamentit të Bashkëpunimit Ndërkombëtar, Kolonel Sylejman Cakaj nga ana jonë si dhe homologu i tij austriak nënshkruan planin bilateral për vitin 2024 në kuadër të së cilit do të zhvillohen trajnime dhe aktivitete të përbashkëta, thuhet në postimin në Facebook të Ministrisë së Mbrojtjes.
