Kryetari i Prishtinës, Përparim Rama ka njoftuar se është krijuar super ambient për fëmijët me sindromën down dhe autizëm.
Rama në postimin e tij në Facebook ka thënë se në këto hapësira të reja, shumë komode, në bashkëpunim me ekspertë të fushës, fëmijët do të ndjekin programe dhe aktivitete të dizajnuara posaçërisht për të përmirësuar zhvillimin e tyre emocional, shpirtëror dhe intelektual.
Faleminderit edhe njëherë TIKA_Kosova, Down Sindrome Kosova dhe Shoqata “Autizmi”, që bënë të mundur krijimin e kësaj qendre dhe për mbështetjen tuaj të vazhdueshme.
Bashkë, ne mund të ndërtojmë një mjedis ku çdo fëmijë mund të shkëlqejë dhe të ndjehet i dashur.
