Ministria e Shëndetësisë ka njoftuar se në zbatim të planit të Veprimit për përcaktimin e kritereve për regjistrin e banorëve në Kujdesin Parësor Shëndetësor, nga data 09 janar 2024 qytatarët mund të përzgjedhin mjekun familjar brenda zonës së banimit.
Përmes përzgjedhjes do të krijohet lista e banorëve/pacientëve për mjekun familjar.
Ky plan do të fillojë në komunat: Prishtinë (QMF5- Ulpianë dhe QMF6- Bregu i Diellit), Prizren, Lipjan dhe Istog.
Pas periudhës testuese, Plani do të shtrihet në të gjitha komunat në nivel vendi.
Përzgjedhja e mjekut familjar ndihmon në ruajtjen dhe përcjelljen e qytetarëve në vazhdimësi, rritë kënaqshmërinë me shërbime dhe ulë shpenzimet e kujdesit shëndetësor.
Ministria e Shëndetësisë, do të ju informoj për mënyrën e aplikimit të përzgjedhjes se mjekut familjar brenda zonës suaj të banimit, thuhet në postimin në Facebook të MSh-së.
