Ministri i Shëndetësisë, Dr. Rifat Latifi, i shoqëruar nga drejtori i SHSKUK-së, dr. Valbon Krasniqi vizitoi sot Spitalin Pediatrik-Kirurgjik, Klinikën e Kirurgjisë Torakale dhe Qendrën Emergjente në QKUK.
Ai falënderoi personelin shëndetësor dhe atë mbështetës për punën që po bëjnë dhe angazhimin e tyre për t’u ofruar qytetaravë shërbime shëndetësore në çdo kohë.
Gjatë kësaj vizite, në ditën e festës së Bajramit, Latifi ka bashkëbiseduar edhe me pacientë që po marrin shërbime në klinikat e QKUK-së dhe familjarët e tyre.
Ministri Latifi ka shprehur përkushtimin e tij për transformimin e sistemit shëndetësor, duke pasur prioritet kryesor pacientin dhe cilësinë e shërbimeve për ta dhe gjithashtu, përmirësimin e kushteve të punës dhe ngritjen e mirëqenies për profesionistët shëndetësor, thuhet në postimin në Facebook të MSh-së.
