Manifesta 14 njofton se anëtaret e Kolektivit Haveit u takuan si studente në Akademinë e Arteve, e përmes bisedave të tyre të përditshme dhe shqetësimeve të përbashkëta, themeluan grupin e tyre artistik.
Historia e tyre është ajo e katër vajzave të cilat krijuan platformën e tyre, pa pritur që galeritë të hapnin dyert për to, apo organizatat qeveritare për t’i financuar. Duke zgjedhur emrin “Haveit” dhe hapësirat publike si vende performimi, ato krijuan një lëvizje artistike të re në Kosovë.
Punimi i tyre paraqitet në Galerinë Kombëtare të Kosovës si pjesë e ekspozitës “Good as Hell: Voicing Resistance”, thuhet në postimin në Facebook të Manifesta 14 Prishtina.
Baby Blues, 2016/2022, © Haveit. Photo © Manifesta 14 Prishtina / Atdhe Mulla, Ivan Erofeev
