Ministri i Mbrojtjes, Armend Mehaj ka njoftuar për një sukses të radhës së oficerëve tanë, Togeri Aldi Blyta ka përfunduar me sukses Kursin e Betejës së Komandantit të Togës si një nga kurset më sfiduese në Ushtrinë Britanike.
Mehaj në postimin e tij në Facebook ka thënë se ky kurs tetë javor fokusohet në përgatitjen e komandantëve të rinj të këmbësorisë të aftë taktikisht, të fortë fizikisht dhe vigjilent psikikisht.
Faleminderit shumë aleatit tonë të madh, Mbretërisë së Bashkuar, kurse Toger Blytës shumë urime e suksese në karrierën e tij të ardhshme në shërbim të kombit dhe atdheut!
