Presidentja e Kosovës, Vjosa Osmani ka pritur në takim Presidenten e Komisionit Evropian, Ursula von der Leyen, në kuadër të vizitës së saj në Ballkanin Perëndimor.
Pas këtij takimi presidentja Osmani dhe presidentja e KE, von der Leyen kanë mbajtur konferencë për media.
Presidentja e Komisionit Evropian, Ursula von der Leyen ka thënë se vendi i Kosovës është në Bashkimin Evropian dhe se Bashkimi Evropian nuk është i plotë pa Kosovën.
Ajo ka vazhduar duke thënë se 75 milionë euro ndihmë e menjëhershme buxhetore për Kosovën në përballimin e krizës energjetike dhe 500 milionë euro për rajonin ku Kosova mund të përfitojë me projekte konkrete në fushën e energjisë.
Dhe në fund mesazhi i presidentes von der Leyen është se Kosova ka përmbushur të gjitha kriteret dhe e meriton liberalizimin e vizave.
Presidentja Osmani në postimin e saj në Facebook ka falënderuar presidenten e KE, Ursula von der Leyen për këto mesazhe inkurajuese e mbështetëse për Republikën e Kosovës. Llogarisim në lidershipin tuaj përderisa ndërmarrim hapa të guximshëm drejt sundimit të plotë të ligjit dhe mbrojtjes së vlerave evropiane.
“Vendi i Kosovës është në Bashkimin Evropian”
“Bashkimi Evropian nuk është i plotë pa Kosovën”
“75 milion euro ndihmë e menjëhershme buxhetore për Kosovën në përballimin e krizës energjetike”
“500 milion euro për rajonin ku Kosova mund të përfitojë me projekte konkrete në fushën e energjisë”
“Kosova ka përmbushur të gjitha kriteret dhe e meriton liberalizimin e vizave”
Falënderim i përzemërt për Presidenten e Komisionit Evropian, Ursula von der Leyen, për këto mesazhe inkurajuese e mbështetëse për Republikën e Kosovës. Llogarisim në lidershipin tuaj përderisa ndërmarrim hapa të guximshëm drejt sundimit të plotë të ligjit dhe mbrojtjes së vlerave evropiane.
