Ministri i Mbrojtjes, Armend Mehaj së bashku me ambasadorin Jorn Rohde, zyrtarë dhe ushtarakë të Ministrisë së Mbrojtjes dhe FSK-së, si dhe familjarë të kursantëve ka marrë pjesë në ceremoninë e ndarjes së certifikatave për dhjetë pjesëtarët e FSK-së, që kanë përfunduar me sukses kursin e gjuhës gjermane.
Mehaj në postimin e tij në Facebook ka thënë se me këtë rast, ka falënderuar dhe shpreh mirënjohjen e lartë për Qeverinë dhe Ambasadën e Gjermanisë për mbështetjen e vazhdueshme në ngritjen e kuadrove profesionale të ushtarakëve të FSK-së, sikur edhe me në avancimin e njohurive në gjuhën gjermane.
Nga ana e tij, ambasadori gjerman, Rohde përgëzoi kursantët për suksesin e arritur, duke theksuar se komunikimi funksional është jashtëzakonisht i rëndësishëm për pjesëmarrjen në misione jashtë vendit.
Më tej, ambasadori Rohde tha se bashkëpunimi me shtetin gjerman vazhdon të jetë i ngushtë me vendin tonë, në nivele të shumta ndërshtetërore, sidomos në fushën e mbrojtjes dhe sigurisë.
Në laboratorin e gjuhës gjermane të FSK-së, me ndihmën e shtetit gjerman, deri më tani me sukses kanë kryer kursin e gjuhës gjermane pesë gjenerata të pjesëtarëve të FSK-së.
