Ministrja e Arsimit, Arbërie Nagavci ka njoftuar se kanë nënshkruar vendimin për ndarjen e 43 bursave për studentët e doktoratës të cilët studiojnë në top 500 universitetet botërore.
Me këtë vendim, të gjithë studentët e përzgjedhur do të përfitojnë bursa në shumë prej 8 mijë e 500 eurosh.
Nagavci në postimin e saj ne Facebook ka thënë se me këtë bursë po përkrahim të rinjtë e të rejat në zhvillimin e tyre akademik e profesional, të cilët këto do t’i kthejnë në avansimin e politikave dhe zhvillimin e vendit.
Ministria e Arsimit, Shkencës, Teknologjisë dhe Inovacionit vazhdon zotimin e përvitshëm të mbështetjes së këtyre studentëve dhe të tjerëve gjatë ditëve në vijim.
Për studentët tanë, me studentët tanë, më shumë përkrahje e më shumë mundësi!
