Sindikata e Bashkuar e Arsimit, Shkencës dhe Kulturës e Kosovës ka reaguar pas lajmit për rastin tragjik në familjen Godeni.
Dhembja shtohet për të gjithë punëtorët e arsimit ngase si pasojë e dhunës familjare, që ka nisur të bëhet përditshmëri, humbi jetën mësimdhënësja dhe anëtarja e devotshme e sindikatës sonë Sadije Godeni.
Loti e dhembja jonë bëhet bashkë me dhembjen dhe lotin e punëtorëve arsimorë në shkollën “Dardania” në Prishtinë dhe në gjithë Kosovën. Të lutemi bashkë që ngjarje të tilla tragjike të mos ndodhin kurrë më, thuhet në komunikatën për media e SBAShK-ut.
