Nënkryetarja e PDK-së, Vlora Çitaku ka reaguar duke thënë se raporti me Shtetet e Bashkuara të Amerikës dhe aleatët e tjerë duhet trajtuar me kujdes, duhet treguar maturi, seriozitet dhe parashikueshmëri.
Çitaku në postimin e saj në Facebook ka thënë se çfarëdolloj mospajtimi duhet trajtuar me diskrecionin e nevojshëm diplomatik.
Fatkeqësisht, kemi parë edhe eksponentë të lartë të qeverisë duke shkarravitur në rrjete sociale parulla të turpshme kundër aleatëve.
Aleancat duhen mirëmbajtur e ushqyer vazhdimisht. Tani jetojmë në epokën e ndërvarësisë dhe aleancat janë po aq të rëndësishme sa sovraniteti.
