Kryetari i Prishtinës, Përparim Rama ka njoftuar se së bashku me kryeshefin e “Ibër Lepencit” kanë nënshkruar Memorandumin e Mirëkuptimit për të koordinuar punimet e një projekti rrugor të Prishtinës me infrastrukturën e kësaj ndërmarjeje.
Rama në postimin e tij në Facebook ka thënë se qëllimi i kësaj marrëveshjeje bashkëpunimi është realizimi i projektit infrastrukturor “Ndërtimi i rrugës Dëshmorët e Ponoshecit” në Prishtinë, duke ruajtur koordinatat, infrastrukturën, funksionalitetin dhe pozitën e shtrirjes së gypit nëntokësor, aset i NH “Ibër Lepenc” Sh.A.
