Në teatrin ODA, Festivali “Miredita, Dobar Dan!” zyrtarisht u mbyll me ndarjen e çmimit për Bekim Blakaj, drejtor ekzekutiv i Fondit për të Drejtën Humanitare në Kosovë.
Gjatë promovimit të librit “Momenti kur e dija se lufta filloi”, së bashku me redaktorin e librit, Vladimir Arsenić, dhe një nga autorët e tregimeve, Shpëtim Selmani, pjesëmarrësit patën rastin të dëgjojnë më shumë për procesin e krijimit të librit, i frymëzuar nga përvojat personale të autorëve dhe perceptimi i tyre për fillimin e luftës. Ngjarja u moderua nga Ana Pejović nga Forum ZFD.
Përmes debateve, promovimeve të librave, mbrëmjeve dhe performancave me poezi, vizitorët kanë shkëmbyer mendime dhe përvoja në lidhje me temat e festivalit të këtij viti.
Si një festival që promovon kulturën, artin dhe unitetin, mund të themi me shumë besim se e kuptuam detyrën.
Edhe një herë, dëshirojmë të falënderojmë kolegët tanë ne për bashkëpunimin dhe kontributin e tyre në realizimin e këtij festivali, si dhe vullnetarët, pjesëmarrësit dhe vizitorët për punën dhe pjesëmarrjen e tyre. Deri herën tjetër, thuhet në faqen zyrtare të Miredita, Dobar Dan.
