Ministri i Punëve të Brendshme, Xhelal Sveçla ka njoftuar se Shoqata e Kosovës për kërkim dhe shpëtim, zhytësit e klubit “Trepça”, Policia e Kosovës, Agjencia e Menaxhimit Emergjent dhe banorët e fshatit Zhitkovc të Komunës së Zveçanit, kanë arritur të gjejnë sot trupin e pajetë të qytetares J.Petrovic, 49 vjeçare, e cila dyshohet se kishte rënë para dy ditësh në lumin Ibër.
Sveçla në postimin e tij në Facebook i ka shpreh ngushëllimet familjes Petrovic. Po ashtu, ka falënderuar të gjitha ekipet dhe qytetarët e angazhuar për bashkëpunimin e kontributin e pandalshëm të tyre në gjetjen e të zhdukurës.
Institucionet tona profesionale do të vazhdojnë me procedurat e mëtutjeshme të këtij rasti.
