Në kopshtet publike në komunën e Prishtinës ka disa javë që ushqimi për fëmijë ka filluar të pakësohet në sasi e që ndikon direkt në gjendjen e tyre emocionale dhe shëndetësore. Ushqimi në të gjitha kopshtet publike në komunën e Prishtinës përgatitet nga Kuzhina Qendrore dhe çdo mëngjes bëhet shëprndarja në të gjitha këto institucione. Kohë më parë është pasuruar mënyja ditore e javore duke shtuar perime dhe smothie për të vegjëlit, por edhe nga një messhujtë pas zgjimit nga gjumi.
Përkeqësimi i ushqimit për fëmijët e kopshteve publike në komunën e Prishtinës për KMDLNj-në është e i papranueshëm dhe i papërgjegjshëm. Andaj, KMDLNj i rikujton komunës së Prishtinës, Drejtorisë së Arsimit se në këtë mënyrë ata po shkelin të drejtat e njeriut për fëmijët në kopshtet publike duke mos i ushqyer në mënyrë të plotë dhe të mjaftueshme. Aq më parë nëse kjo po bëhet për të arsyetuar një rritje të çmimit e që do të vëjë në vështirësi edhe më të mëdha shumë familje në këto kohë kur të gjitha produketet dhe shërbimet kanë pasur rritje të papërballueshme për shumë familje.
Në kopshtet publike orari fillon prej 6:30 deri në 17:00. Gjatë këtij orari fëmijëve u ofrohen dy shujta ushqimi dhe një “zamër” që përfshinë pemë sezonale ose jogurt apo tambëloriz (e që kohëve të fundit edhe këtë po e sjellin rrallë). Mëngjesi starton prej 8:30 deri 8:45, dreka 11:30, koha e gjumit është ora 12:00 deri në zgjimin e fëmijëve në orën 14:00.
Pas zgjimit fëmijët ushqehen vetëm me “zamër” e që kryesisht është pemë sezonale e cila është e pamjaftueshme për një ushqyerje të mirë të këtyre fëmijëve. Kohë më parë komuna e Prishtinës për këta fëmijë ua kishte shtuar në mëny edhe nga një kifle e që ka disa javë që këto janë zhvendosur në shujtë të mëngjesit.
KMDLNj-së në mënyrë anonime ia kanë shprehur dhe konfirmuar këto shqetësime edhe disa udhëheqës të këtyre Institucioneve Parashkollore dhe se janë në përpjekje që së bashku me komunën e Prishtinës të përmirësojnë gjendjen me ushimin e fëmijëve dhe se po supozohet një rritje e çmimit eventual. Në kopshtet publike në komunën e Prishtinës çmimi për një fëmijë në bazë mujore është 50 euro kurse nëse ka dy fëmijë të të njejtës familje çmimi për të dy është 85 euro.
Andaj, KMDLNj i bënë thirrje dhe të gjitha institucioneve dhe organizatave të pavarura që monitorojnë institucionet publike parashkollore që të ketë monitorime më të shpeshta për të parë gjendjen e të drejtave të njeriut për fëmijët në kopshtet publike, thuhet në komunikatën për media e KMDLNj-së.
