Ministri i Mbrojtjes, Ejup Maqedonci ka pritur në takim pronarin e kompanisë Baykar, Haluk Bayraktar, si dhe ambasadorin e Republikës së Türkiye, Sabri Tunç Angili.
Maqedonci në postimin e tij në Facebook ka thënë se bashkëpunimi me kompaninë Baykar që është kthyer në kryefjalën e teknologjisë ushtarake me prodhimet e veta, ka bërë që FSK për një periudhë të shkurtër të ngrisë kapacitetet e saj luftarake në nivelin që garanton mbrojtje territoriale dhe siguri për të gjithë qytetarët tanë. Gjatë këtij takimi kanë diskutuar për projektet e rradhës në të cilat do të investojnë dhe zgjerimin e këtij bashkëpunimi përtej blerjeve.
Për vullnetin e gatishmërinë që kjo kompani dhe Republika e Türkiye ka shfaqur për bashkëpunim me Ministrinë e Mbrojtjes dhe Qeverinë e Republikës së Kosovës, shpreha mirënjohjen time të thellë duke dekoruar me medalje për “Shërbim të Shquar” z. Haluk Bayraktar.
Lidhja e fuqishme ndërmjet dy shteteve tona do të vazhdoj!
