NP “Termokos” SH.A, edhe këtë vit do të vazhdojë të mbështesë fushatën e Ministrisë së Drejtësisë për eliminimin e dhunës ndaj grave.
Në kuadër të aktiviteteve, që do të realizohen gjatë këtij muaji në faturat e ngrohjes për muajt tetor, nëntor dhe dhjetor janë shtypur mesazhet me sloganin zyrtar të kësaj fushate: Sot dhe çdo ditë tjetër-Thuaj jo dhunës! (#raportoje dhunën # thirr 192).
Bazuar në statistikat e institucioneve relavante rastet e dhunës ndaj grave kanë shënuar ngritje të dukshme viteve të fundit, ndërsa vetëm vitin e fundit janë raportuar mbi 2 mijë raste të dhunës ndaj grave, thuhet në komunikatën për media e NP Termokos.
