Ministrja e Arsimit, Shkencës, Teknologjisë dhe Inovacionit, Arbërie Nagavci ka njoftuar se nga sot më 13 – 17 nëntor, në më shumë se 250 shkolla vullnetare në vend, do të realizohet iniciativa globale Ora e Kodimit.
Nagavci në postimin e saj në Facebook ka thënë se gjatë kësaj jave, shkollat dhe qendrat partnere do të organizojnë kurse të kodimit, projekte, prezantime e sesione informuese rreth kodimit, inteligjencës artificiale e shkencave kompjuterike.
Suksese të gjithë nxënësve dhe mësimdhënësve që do të jenë pjesë e kësaj nisme.
Faleminderit partnerëve për bashkëpunimin në këtë iniciativë.
