Kryetari i Prishtinës, Përparim Rama ka njoftuar se kanë krijuar Këshillin Publiko -Privat të Bizneseve të kryeqytetit i cili përbëhet nga një numër i madh i kompanive e institucioneve tjera ekonomike private të cilat operojnë në Prishtinë dhe Kryetarit e nënkryetarëve të Kryeqytetit.
Rama në postimin e tij në Facebook ka thënë se ky organ do t’i ndihmojë bizneseve në krijimin e një kanali komunikues mes tyre dhe nivelit të lartë qeverisës të Kryeqytetit Prishtina.
Bizneset përmes këtij Këshilli tani e tutje mund të shprehin shqetësimet e kërkesat e tyre në lidhje me çështjet pronësore, tatimit dhe fushave tjera, të cilat do të trajtohen nga Kryeqyteti.
Ky takim me bizneset është mundësuar përmes projektit të USAID për të drejtat pronësore.
