Kryetari i Prishtinës, Përparim Rama ka njoftuar se sot në kujdesin e veçantë të Kryeqytetit, u shfaq premiera e dokumentarit “Bekim Fehmiu”, dokumentar i cili tregon detajet për botën e pasur të aktorit të madh shqiptar i cili ka lënë gjurmë të pashlyeshme në skenën artistike ndërkombëtare dhe ka frymëzuar brezat me talentin dhe përkushtimin e tij.
Rama në postimin e tij në Facebook ka thënë se me këtë rast patëm kënaqësinë të kishim në Prishtinë, bashkëshorten e tij, Branka Petrovic, të cilës i dorëzova “Mirënjohjen e Kryeqytetit” në shenjë vlerësimi për veprën dhe trashëgiminë që la ikona e artit dhe kinematografisë, Bekim Fehmiu.
