Kryetari i Prishtinës, Përparim Rama ka njoftuar se kanë përuruar muralin, portret i Faruk Kukaj, si simbolikë për shënimin e Ditës Ndërkombëtare të Personave me aftësi të kufizuar.
Rama në postimin e tij në Facebook ka thënë se ky mural prezanton dhe na kujton çdo ditë për përgjegjësinë tonë kolektive për përgjegjësinë dhe gjithpërfshirjen e shoqërisë.
Do t’i vazhdojmë përpjekjet tona për respektim të të drejtave të secilit individ në kryeqytet.
Po punojmë vazhdimisht që të përmirësojmë kushtet infrastrukturore për të ofruar qasje sa më të lehtë kudo në kryeqytet për personat me aftësi të kufizuar.
