Dita ndërkombëtare e librit është shënuar me disa aktivitetet edhe në Komunën e Gjakovës, prej të cilëve është veçuar ai për dhurim të librave, që u zhvillua me moton “Një lektyrë më shumë në bibliotekë, më shumë mundësi për edukimin e fëmijëve tanë”.
Ky aktivitet u zhvillua në platonë e Bibliotekës ndërkomunale “Ibrahim Rugova” në Gjakovë, e cila në Ditën ndërkombëtare të librit ka fituar një donacion në vlerë prej 1 mijë eurosh libra për fëmijë që ia ka dhuruar Komuna e Gjakovës.
Drejtori i Drejtorisë për Kulturë, Rini dhe Sport, Meriton Ferizi, i cili në emër të Komunës së Gjakovës ka marrë pjesë në aktivitetet e sotme, ka treguar se pjesëmarrës kanë qenë edhe shumë poetë e shkrimtarë nga Gjakova, në veçanti ata për fëmijë, të cilët janë takuar dhe kanë bashkëbiseduar me fëmijët e shumtë të mbledhur në këtë shënim.
/Elda Azemi – Vajzat ngrisin zërin/
