Build Skills with our trainings

Sign up now!

Arsyetimi i jurisë për “Çmimin për gazetari në pandemi 2020”

Dhj 4, 2020

Arsyetimi i jurisë në përbërje: Kelmend Hapçiu, gazetar shumëvjeçar dhe drejtor i organizatës mediale KosovaLive, Albana Kasapi, gazetare shumëvjeçare e BBC World Service dhe Kaltrina Hoxha, Kordinatore Nacionale për Edukim Medial në OSBE.

Në përditshmërinë e këtij profesioni tonë të gazetarisë po bëhet gjithnjë e më vështirë që për shkak të dinamikës së punës, së kushtëzuar si për nga numri i reduktuar i gazetarëve nëpër redaksi ashtu edhe nga përpjekjet e vazhdueshme për vetqëndrueshmëri dhe mbarëvajtje, të fokusohemi në ruajtjen e standardeve dhe kritereve dhe kultivimin e një gazetarie profesionale.

COVID 19 gjithsesi ishte dhe vazhdon të jetë një sfidë e radhës e profesionit të gazetarisë, por njëherësh edhe një mundësi e re për gazetarët që t’i sprovojnë shkathtësitë e veta profesionale edhe në raportimin mbi një dukuri me të cilën nuk janë përballur më herët.

Kjo, në fakt, ishte edhe pika udhërrëfyese në përzgjedhjen e artikujve, reportazheve, video-storjeve a dokumentarëve të cilat juria i përzgjodhi si punime që janë përpjekje për tejkalimin e degradimit të gazetarisë në një raportim të thjesht ditor, të konferencave dhe të kumtesave për shtyp.

Autorët e përzgjedhur me punimet e tyre, dikush me më shumë sukses, e dikush me ndonjë qasje më analitike e më inovative arrijnë ta tejkalojnë mu këtë sfidë të gazetarisë protokolare që, mjerisht është shndërruar në njëfarë “standardi” të gazetarisë kosovare sidomos në këto 20 vitet e fundit.

Autorja Jehona Zhitia, e cila me votat e jurisë u rendit e treta në këtë përzgjedhje, ia kushton video-storjen e saj një diteje pune të stafit në një institucion shëndetësor në vijën e parë të frontit të luftës kundër pandemisë.

Ardiana Thaçi, e renditur e dyta në përzgjedhjen e jurisë, në dokumentarin e saj shpalos fatet e viktimave të kësaj pandemie dhe tagrin e pashmangshëm jo vetëm personal të tyre, por edhe të familjarëve.   

Atdhe Mulla, i cili me votat e jurisë u rendit i pari në këtë përzgjedhje, arrin që në reportazhin e tij gjithpërfshirës të pasqyrojë përballjen me këtë pandemi të punëtorëve shëndetësorë, të sfiduar jo vetëm me orare të tejzgjatura, por edhe me presione më parë të papërjetuara.

PUBLIKIME

LAJME

THELLESISHT

DIALOG

Grantet e Prodhimit të Përmbajtjes II

Grantet e Prodhimit të Përmbajtjes II

Pesë aplikantë që paraqitën një aplikacion për “Grantet e Prodhimit të Përmbajtjes II”, Tv Tema, Internews, RTV Puls, Radio Gorazdevac dhe Besnik Krasniqi do të marrin mbështetje.

BARAZI

Womair: Informimi i grave dhe burrave për cilësinë e ajrit

Womair: Informimi i grave dhe burrave për cilësinë e ajrit

Më 19 nëntor, nga ora 10:00 deri në 12:00 në KosovaLive u mbajt ngjarja interaktive “Womair”, e cila kishte për qëllim informimin e djemve, vajzave, grave, burrave, çifteve dhe të gjithë të interesuarve, pa dallim, për mënyrat më efektive për përmirësimin e cilësisë së ajrit në hapësira të brendshme dhe të jashtme.

EDUKIM