Kryetari i Lëvizjes Vetëvendosje, njëherazi kandidati për kryeministër, Albin Kurti, bashkë me anëtaren e kryesisë së Lëvizjes, Arbërie Nagavci dhe asistenten ekzekutive, Valë Gjonbalaj sot pritën ambasadorin e ShBA-së në Kosovë, Philip S. Kosnett të shoqëruar nga këshilltarja e tij për çështje politike Amy Carnie.
Ambasadori Kosnett uroi Kurtin për fitoren në këto zgjedhje duke i dëshiruar sukses të mëtejmë. Ai uroi që nga ky proces sa më parë të ketë një qeveri e parlament funksional.
Kurti e falënderoi për urimin dhe vizitën dhe ndau bindjen që shumë shpejt do ta kemi qeverinë e re dhe mundësinë për të bashkëpunuar për projekte konkrete që ndihmojnë shtetndërtimin demokratik, zhvillimin ekonomik të vendit dhe thellimin e marrëdhënieve bilaterale mes dy shteteve Kosovë – SHBA, thuhet në postimin në Facebook të Lëvizjes Vetëvendosje.
