U.d. kryetari i PDK-së, Enver Hoxhaj me rastin e 13-vjetorit të shpalljes së Pavarësisë së Kosovës, ka thënë se sot kur festojmë 13 vite shtetësi me zemër e me mendje jemi me liderët, Hashim Thaçin dhe Kadri Veseli, të cilët gjenden padrejtësisht gjenden në Hagë. Ata punuan çdo ditë për zhvillimin e shtetit dhe mirëqenien e qytetarëve.
Sot Kosova është më e mirë sesa para 13 vitesh dhe se Partia Demokratike do të jetë gardiani i vlerave demokratike, pasardhëse e Ushtrisë Çlirimtare të Kosovës, ka shkruar Hoxhaj në postimin e tij në Facebook.
“Sot kur festojmë 13 vite shtetësi, me zemër e mendje jemi me liderët e Kosovës që padrejtësisht gjenden në Hagë. Për 13 vite me radhë, Hashim Thaçi e Kadri Veseli punuan çdo ditë për zhvillimin e shtetit dhe mirëqenien e qytetarëve. Çdo moment të jetës së tyre ia kushtuan përmbushjes së amanetit të dëshmorëve për liri e pavarësi. Këtë premtim do të vazhdojmë ta mbajmë dhe ta jetësojmë çdo ditë si Parti Demokratike, pasardhëse e Ushtrisë Çlirimtare të Kosovës.
Sot Kosova është më e mirë sesa para 13 vitesh. Partia Demokratike do të jetë gardiani i vlerave demokratike sot dhe përgjithmonë. Për qytetarët. Me qytetarët. Urime Dita e Pavarësisë”.
