Kryetari i Lëvizjes Vevendosje, njëherazi kryeministri në ardhje, Albin Kurti, bashkë me deputeten dhe kryetaren e grupit ndërparlamentar për miqësi me Japoninë në legjislaturën e kaluar, Mimoza Kusari-Lila, deputetin Artan Abrashi, që ishte pjesë e këtij grupi për miqësi pitën ambasadorin e Japonisë në Kosovë, Ogasawara Mitsunori, të shoqëruar nga sekretarja e dytë, Kurimoto Kay.
Mitsunori e uroi kryetarin Kurti për mbarëvajtjen e procesit zgjedhor dhe për fitoren e arritur në këto zgjedhje. Ai tha se pret që me formimin e institucioneve të reja të vazhdojë bashkëpunimi për thellimin e partneritetit dhe miqësisë mes dy vendeve tona.
Kryeministri në ardhje Kurti e falënderoi për urimin dhe duke ndarë të njëjtën bindje për marrëdhëniet bilaterale mes dy shteteve e njoftoi ambasadorin edhe me disa prej prioriteteve të qeverisjes thuhet në postimin në Facebook të Lëvizjes Vetëvendosje.
“Krahas përballjes me pandeminë, punësimit dhe drejtësisë, qeveria e re është e përcaktuar t’i mbështesë të rinjtë në fushën e inovacionit dhe teknologjisë. Deri më tani me një mbështetje të vogël, e në pjesën më të madhe të munguar nga shteti, rinia jonë ka demonstruar një talent të lartë e të çmueshëm në ndërmarrësi dhe teknologji.
Ne jemi të interesuar që ata të kenë sa më shumë hapësirë e mundësi. Të dy palët shprehën gatishmërinë për bashkëpunim të shtuar ekonomik e kulturor midis dy shteteve tona”, tha Kurti.
