Kryeministri i Kosovës, Albin Kurti ka uruar festën e Pashkëve besimtarëve katolikë dhe protestantë. Ai ka shkruar se Pashkët janë festë e ringjalljes dhe ripërtëritjes, simbol i sakrifikimit dhe i shpresës, i fillimeve të reja.
Po kalojmë kohëra të vështira si pasojë e pandemisë Covid-19, por ky fillimvit na ka dëshmuar sërish se kur bëhemi bashkë tejkalojmë çdo pengesë, sado e madhe të jetë ka thënë kryeministri Kurti në postimin e tij në Facebook.
Kjo fundjavë është e veçantë për besimtarët katolikë e protestantë në Kosovë dhe në mbarë botën. Janë këto ditët e afrimit me njëri-tjetrin por edhe të besimit mes nesh.
Si festë e ringjalljes dhe ripërtëritjes, Pashkët janë simbol i sakrifikimit dhe i shpresës, i fillimeve të reja.Si shoqëri dhe si shtet po kalojmë kohëra të vështira si pasojë e pandemisë Covid-19 por edhe e problemeve të grumbulluara me dekada, sfida që përveçse aftësisë shpeshherë testojnë edhe durimin tonë. Por, ky fillimvit na ka dëshmuar sërish se kur bëhemi bashkë tejkalojmë çdo pengesë, sado e madhe të jetë.Andaj, sot lutemi dhe urojmë për më shumë mirësi e më shumë dashuri.
Gëzuar Pashkët!
