Kryeministri i Republikës së Kosovës, Albin Kurti, ka pranuar letër urimi nga përfaqësuesja e përhershme e Programit të Kombeve të Bashkuara për Zhvillim (UNDP) në Kosovë, Maria Suokko, dhe nga drejtoresha e lartë e përhershme e Institutit Demokratik Kombëtar (NDI) në Kosovë, ambasadorja Nancy Soderberg me rastin e marrjes së detyrës së kryetarit të Qeverisë.
Në letrën dërguar kryeministrit Kurti, Suokko ka theksuar vendosmërinë e UNDP-së për ta vazhduar bashkëpunimin me kryeministrin Kurti dhe kabinetin e tij.
Derisa në letrën e urimit nga NDI, në emër të institutit, ambasadorja Soderberg e ka përgëzuar kryeministrin Kurti për punën e tij në dobi të qytetarëve të Kosovës duke shpresuar që të punojnë së bashku për ta fuqizuar më tej demokracinë e vendit, thuhet në komunikatën për media e Zyrës së Kryeministrit.