Presidentja Vjosa Osmani ka bërë të ditur në Twitter se Ministria e Punëve të Jashtme e Kosovës dhe Zyra e Presidentes me asistimin e SHBA-ve dhe shteteve evropiane kanë punuar në evakuimin e dy qytetarëve të Kosovës nga Kabuli ku janë evakuuar në një vend të sigurt dhe së shpejti do të kthehen në shtëpi.
Tash e disa kohë, Ministria e Punëve të Jashtme të Kosovës dhe Zyra ime kanë punuar në sigurimin e evakuimit të sigurt të qytetarëve të Kosovës nga Kabuli. Me ndihmën e Shteteve të Bashkuara dhe vendeve evropiane, dy qytetarë tanë janë evakuuar në një vend të sigurt dhe do të kthehen së shpejti në shtëpi
Numri i kontaktit për të gjithë qytetarët e Republikës së Kosovës që kanë nevojë për informata për kthim nga Afganistani është: +383 (0) 45 492 316
