Kryeministri i Kosovës, Albin Kurti ka shprehur ngushëllime familjeve për viktimat e aksidentit tragjik që ka ndodhur sot në Bullgari ku kanë humbur jetën 46 qytetarë të Maqedonisë së Veriut.
Kurti në postimin e tij në Facebook ka thënë se Kosova bashkëndjen me Maedoninë e Veriut, popullin e saj dhe të gjithë shqiptarët e tronditur nga ky lajm i kobshëm dhe shpreh gatishmërinë për të ofruar ndihmën në çdo kapacitet.
I trishtuar dhe i pikëlluar nga lajmi për aksidentin tragjik në Bullgari.
Shpreh ngushëllimet më të sinqerta dhe ndaj dhimbjen me familjet e viktimave, dhe u bashkohem lutjeve për shërim sa më të shpejtë të të lënduarve. Momente të vështira si këto lehtësohen duke i qëndruar pranë njëri-tjetrit.
Republika e Kosovës bashkëndjen me Maqedoninë e Veriut, popullin e saj dhe të gjithë shqiptarët e tronditur nga ky lajm i kobshëm dhe shprehë gatishmërinë e plotë për të ofruar ndihmën e saj në çdo kapacitet.
