Nën organizimin e Ministrisë së Punëve të Brendshme dhe Policisë së Kosovës, u realizua një vizitë në ambientet e Policisë nga fëmijët e Qendrës Sociale – Edukative “SOS Kopshti” në Prishtinë.
Në kuadër të kësaj vizite në Polici, fëmijët patën rastin të takojnë zyrtarë policorë nga njësite të ndryshme si: Policia në komunitet, Njësiti i trafikut, Njësiti me qenë ‘K-9 ‘ si dhe zyrtarë nga Qendra Operative Komunikuese.
Kjo vizitë e mirëpritur nga Policia dhe vetë fëmijët, rezultoi me njoftime dhe biseda policore për fëmijët, si dhe me ndarjen e disa dhuratave modeste të dhuruara nga Policia e Kosovës dhe Ministria e Punëve të Brendshme, thuhet në faqen zyrtare të PK-së.
