Ministria e Shëndetësisë ka njoftuar se pika e re e vaksinimit kundër COVID-19, e vendosur në sheshin “Zahir Pajaziti” në Prishtinë ka filluar nga sot prej 12:00 – 20:00 që të ofrojë mundësi vaksinimi për qytetarët.
Ndërkaq së shpejti vaksinimi në komunën e Prishtinës, do të bëhet edhe në pikën tjetër në “Kodrën e Trimave”, në QMF-2.
Ndërkohë, pika e vaksinimit në QMF-7 në lagjen Kalabria (ish-Emshir) dhe ajo në “Albi Mall”, janë në dispozicion çdo ditë për qytetarët e Prishtinës dhe jo vetëm, që të vaksinohen lehtë, shpejt dhe sigurt kundër COVID-19, thuhet në postimin në Facebook të MSh-së.
