Ministri i Punëve të Brendshme, Xhelal Sveçla ka njoftuar se është nënshkruar marrëveshja e tretë me EUROPOL që definon procedurat e shkëmbimit dhe mbrojtjes së informacioneve.
Sveçla në postimin e tij në Facebook ka thënë se kjo marrëveshje do të thellojë bashkëpunimin tonë me EUROPOL he synimet tona të përbashkëta për sundim të ligjit.
Para disa ditësh kam pranuar një letër falënderimi nga Drejtoresha Ekzekutive e EUROPOL znj. Catherine de Bolle për gadishmërinë për të bashkëpunuar dhe vendosmërinë tonë për të vepruar pa kompromis ndaj krimit dhe korrupsionit.
Sot, jam njoftuar që është nënshkruar marrëveshja e tretë me EUROPOL, nga znj. De Bolle, që definon procedurat e shkëmbimit dhe mbrojtjes së informacioneve.
Kjo marrëveshje do të thellojë bashkëpunimin tonë me EUROPOL, do të garantojë shtetndërtim me hapa të sigurtë e do të kontribuoj në synimet tona të përbashkëta për sundim të ligjit.
