Policia e Kosovës ka pranuar një informatë për një rast të dhunës në familje në Graqanicë.
Ka qenë reagimi i shpejtë i zyrtarëve policor, ai që ka rezultuar me arrestimin një person i dyshuar: G. N, mashkull, 70 vjeç.
Pjesë e punës së zyrtarëve të dhunës në familje dhe sektorit të hetimeve, që i janë përgjigjur rastit, ka qenë edhe kontrolli i shtëpisë.
Gjatë kontrollit, në shtëpinë e personit të dyshuar, policia i ka gjetur dhe sekuestruar: dy armë zjarri, katër karikatorë dhe 52 fishekë.
Personi i dyshuar me vendim të prokurorit të shtetit është dërguar në qendrën e mbajtjes.
I dyshuari ngarkohet me veprat: dhunë në familje si dhe mbajtje në pronësi, kontroll ose posedim i pa autorizuar i armëve, thuhet në faqen zyrtare të PK-së.
