Kryetari i Prishtinës, Përparim Rama për nder të 7 Marsit ka nderuar me mirënjohje mësimdhënësit e dalluar në katër nivelet e arsimit parauniversitar për vitin që lamë pas.
Rama në postimin e tij në Facebook ka thënë se duke i falënderuar të gjithë mësimdhënësit e Prishtinës për punën e palodhshme për edukimin e të ardhmes së vendit tonë, u urojmë këtë ditë të veçantë dhe ofrojmë përkrahjen tonë në çdo hap.
7 Marsi festohet si dita e Mësuesve, për të përkujtuar një ngjarje historike e kulturore siç ishte hapja e Shkollës së Parë Shqipe laike në Korçë.
Arsimi shqiptar ishte forca e zhvillimit dhe emancipimit të kombit tonë, të cilat përpara i çuan ata, roli i të cilëve mbetet i pazëvendësueshëm: mësuesit tanë.
Me këtë rast, sot me mirënjohje nderuam mësimdhënësit e dalluar në katër nivelet e arsimit parauniversitar për vitin që lamë pas, por jo vetëm.
Duke i falënderuar të gjithë mësimdhënësit e Prishtinës për punën e palodhshme për edukimin e të ardhmes së vendit tonë, u urojmë këtë ditë të veçantë dhe ofrojmë përkrahjen tonë në çdo hap.
Një kënaqësi e veçantë ishte të shijojmë koktejin e përgatitur nga nxënësit e Sh.M.A.T “Abdyl Frashëri”.
