Ministri i Punëve të Brendshme të Kosovës, Xhelal Sveçla, ka takuar zëvendës ndihmës sekretaren për Europë dhe Azi, Zyra e Çështjeve Ndërkombëtare për Narkotikë dhe Zbatim të Ligjit, Lisa A. Johnson.
Sveçla në postimin e tij në Facebook ka falënduar këtë zyre për përkrahjen ndaj institucioneve të Kosovës që nga paslufta. Synimi i Kosovës është i qartë karshi anëtarësimit në europë dhe integrimeve euroatlanike e njëkohësisht zotimin për luftimin e krimit transnacional dhe korrupsionit.
Kurse Johnson mes tjerash ka vlerësuar angazhimin e Policisë së Kosovës për luftimin e trafikimit me drogë, krimit të organizuar dhe terrorizmit dhe se Kosova do të vazhdojë ta gëzojë përkrahjen për institucione efikase ligjzbatuese.
Gjatë ditës së djeshme, pata nderin dhe kënaqesinë të takoj Zëvendës Ndihmës Sekretaren për Europë dhe Azi, Zyra e Çështjeve Ndërkombëtare për Narkotikë dhe Zbatim të Ligjit, Znj. Lisa A. Johnson.
Kam shfrytëzuar rastin të falënderoj këtë zyre për përkrahjen ndaj institucioneve të Kosovës që nga paslufta, rolin e tyre në krijimin dhe zhvillimin e tyre deri më sot përmes programeve për fuqizimin e institucioneve të zbatimit të ligjit.
Ritheksova që synimi i Kosovës është i qartë karshi anëtarësimit në europë dhe integrimeve euroatlanike e njëkohësisht zotimin për luftimin e krimit transnacional dhe korrupsionit.
Znj. Johnson mes tjerash ka vlerësuar angazhimin e Policisë së Kosovës për luftimin e trafikimit me drogë, krimit të organizuar dhe terrorizmit. Është vlerësuar lartë edhe bashkëpunimi i Kosovës për strehimin e qytetarëve afgan, duke theksuar që po dëshmon për komunitetin ndërkombetar që është partner serioz.
Kosova aktualisht është programi i dytë më i madh i INL në Europë dhe znj. Johnson u zotua që Kosova do të vazhdojë ta gëzojë përkrahjen për institucione efikase ligjzbatuese.
