Ministrja e Drejtësisë, Albulena Haxhiu pas ngritjes enorme të çmimeve të produkteve ushqimore bazike të konsumatorëve nga subjektet tregtare ka thënë se duhet të marrë fund sa më parë.
Haxhiu në postimin e saj në Facebook ka paralajmëruar burgim prej 1-5 vite si dhe dënim shtesë me gjobë, bazuar në Kodin Penal të Republikës së Kosovës.
Ditëve të fundit dhe sidomos sot kemi vërejtur një, aspak normale dhe tërësisht të paarsyeshme të çmimeve të produkteve ushqimore bazike të konsumatorëve nga subjektet tregtare. Kjo tendencë për keqpërdorim të situatës e dëmton jashtëzakonisht xhepin e qytetarëve dhe duhet të marrë fund sa më parë.
Një kurdisje dhe orkestrim të të cilit po jemi dëshmitarë, është vepër penale e sansksionuar në mënyrë të dyfishtë, me burgim (1-5 vite) si dhe dënim shtesë me gjobë, bazuar në Kodin Penal të Republikës së Kosovës.
Ftoj Prokurorin e Shtetit, që bazuar në kompetencat kushtetuese dhe ligjore të përcaktuara, të ndërmarrë menjëherë veprime në përputhje me mandatin e tij, kundër abuzuesve që po përfitojnë paligjshëm që me veprimet e tyre po dëmtojnë qytetarët e vendit tonë.
