Presidentja e Kosovës, Vjosa Osmani sot bashkë me drejtoren e USAID Kosovo, Zeinah Salahi e në prezencë të ambasadorit amerikan Jeffrey Hovenier, sot kanë nënshkruar amandamentin e katërt të Marrëveshjes së Grantit për Objektivat Zhvillimore me Shtetet e Bashkuara të Amerikës, i cili parasheh fitimin shtesë të 31,994,644 dollarëve dhe se granti total ka arritur vlerën prej mbi 73.4 milionë dollarë.
Osmani në postimin e saj në Facebook ka thënë se mbështetja e vazhdueshme e Shteteve të Bashkuara në Kosovë është dëshmi e përkushtimit të qeverisë dhe popullit amerikan për të përforcuar mirëqenien e qytetarëve të Republikës së Kosovës përmes institucioneve efektive dhe llogaridhënëse.
Bashkë me drejtoren e USAID Kosovo Zeinah Salahi e në prezencë të ambasadorit amerikan Jeffrey Hovenier, sot kam nënshkruar amandamentin e katërt të Marrëveshjes së Grantit për Objektivat Zhvillimore me Shtetet e Bashkuara të Amerikës, i cili parasheh fitimin shtesë të 31,994,644 dollarëve.
Në këtë mënyrë, granti total ka arritur vlerën prej mbi 73.4 milionë dollarë.
Mbështetja e vazhdueshme e Shteteve të Bashkuara në Kosovë është dëshmi e përkushtimit të qeverisë dhe popullit amerikan për të përforcuar mirëqenien e qytetarëve të Republikës së Kosovës përmes institucioneve efektive dhe llogaridhënëse.
Kosova është e bekuar me aleatët e saj.