Më 15 gusht, presidentja e Republikës së Kosovës, Vjosa Osmani Sadriu, pret për vizitë zyrtare presidentin e Republikës së Shqipërisë, Bajram Begaj, me rastin e fillimit të mandatit të tij.
Presidentja Osmani do ta presë presidentin Begaj me ceremonitë më të larta shtetërore, në sheshin “Ibrahim Rugova”.
Pas ceremonisë së pritjes, presidentja Osmani Sadriu zhvillon takim me presidentin e Begaj, si dhe në fund të takimit do të kenë deklaratë të përbashkët për media, thuhet në komunikatën për media e Zyrës së Presidentes.
