Ministri i Mbrojtjes, Armend Mehaj, u takua me Ndihmës Sekretaren e Mbrojtjes të SHBA-së për Çështjet Ndërkombëtare, Celeste Wallander, ku diskutuan rreth gatishmërisë së Republikës së Kosovës për t’i shërbyer paqes dhe sigurisë globale përmes anëtarësimit në A-5 dhe iniciativave të tjera rajonale, gjithnjë në koordinim të plotë me aleatët tanë evropianë dhe Shtetet e Bashkuara të Amerikës.
Po ashtu, në këtë takim u diskutua rreth avancimeve të FSK-së në implementimin e Planit të Përgjithshëm të Tranzicionit, gatishmërisë për bashkë zbarkime përkrah ushtrive të shteteve partnere, ofrimin e mbështetjes për popullin ukrainas, zbatimin e planit bilateral me SHBA-të dhe përmbushjen e qëllimit të Republikës së Kosovës për anëtarësim në NATO dhe BE, thuhet në postimin në Facebook të Ministrisë së Mbrojtjes.
