Kryetari i Komunës së Prishtinës, Përparim Rama ka mirëpritur pianistin klasik me famë ndërkombëtare, Peter Donohoe i njohur për stilin dhe teknikën e tij të jashtëzakonshme.
Donohoe dha emocione të rralla për audiencën duke performuar për herë të parë në Kosovë Piano Koncertin Nr. 3 në D-mol të Rachmaninov.
Rama në postimin e tij në Facebook ka falënderuar Chopin Piano Fest Prishtina për prezantimin e një muzikanti kaq të çmuar botëror në Prishtinë.
Vizita e tij inkurajoi skenën muzikore në kryeqytet dhe ngriti vetëdijen kulturore në komunitetin tonë.
Peter, falemnderit për vizitën dhe do të mirëpresim përsëri në Prishtinë!