Në Kuvendin e Kosovës sot është mbajtur dëgjimi publik për Projektligjin për të Drejtat e Autorit dhe të Drejtat e Përafërta, i miratuar në parim në maj të këtij viti.
Ministri Çeku para deputetëve dhe pjesëmarrësve të tjerë konfirmoi edhe një herë rëndësinë e një mekanizmi të ri për mbrojtje dhe kompensim të dinjitetshëm për autorin e krijuesin.
Përmes ligjit ndër të tjera do të: sigurohet një nivel i lartë i mbrojtjes të të drejtave të autorit, krijimtarisë shkencore e artistike; rregullohet statusi i Task Forcës kundër Piratërisë; ofrohet mundësia e zgjidhjes së kontesteve në të drejtën e autorit përmes mjeteve alternative si ndërmjetësimi dhe arbitrazhi, thuhet në postimin në Facebook të MKRS-së.
