Ministria e Kulturës, Rinisë dhe Sportit ka njoftuar se “Hana e Re” dhe “Prishtinë 2002” dy filma të financuar nga Qendra Kinematografike e Kosovës shfaqen premierën e tyre në Dokufest.
I pari me skenar dhe regji të Jehona Berishës dhe producent Jetmir Zenelajn, teksa i dyti me regji të Trëndelina Halilit dhe producent Ermal Gërdovcin, janë në garë për filmin më të mirë të shkurtë në kategorinë Nacional.
Me synim rrjetizimin mes kineastëve të rinj dhe producentëve botëror, pas shfaqjes u organizua koktej rasti ku të pranishëm ishin drejtuesja e QKK-së Blerta Zeqiri, këshilli drejtues dhe stafi i QKK-së, thuhet në postimin në Facebook të MKRS-së.
