Ministrja e Arsimit, Shkencës, Teknologjisë dhe Inovacionit, Arbërie Nagavci vizitoi Komunën e Mitrovicës Veriore me ç’rast takoi kryetarin Erden Atiq me të cilin diskutuan për projektet në fushën e arsimit dhe nevojat e shumta që ka kjo komunë e lënë anash për shumë vite.
Ministrja Nagavci bashkë me kryetarin Atiq dhe deputeten Arjeta Fejza, vizituan shkollën Fillore të Mesme të Ulët “Aziz Sylejmani” në lagjen Kodra e Minatorëve në Mitrovicë.
Me nxënës, mësimdhënës dhe menaxhmentin e shkollës biseduan për vitin e ri shkollor dhe kushtet për mësimdhënie dhe mësimnxënie.
Ministrja Nagavci shprehu gatishmërinë për të mbështetur kërkesat dhe nevojat e nxënësve dhe mësimdhënësve, në mënyrë që atyre mos ju mungojnë kushtet e nevojshme për zhvillimin e mësimit.
Kjo shkollë ishte në gjendje të rëndë infrastrukturore për çka ministrja Nagavci bashkë me kryetarin diskutuan edhe për nevojën që sa më parë të rregullohet, thuhet në postimin në Facebook të MAShTI-t.
