Ministri i Kulturës, Rinisë dhe Sportit, Hajrulla Çeku ka takuar artisten Doruntina Kastrati, kuratoren Erëmirë Krasniqi dhe komisioneren Hana Halilaj, delegacioni i zgjedhur që do të përfaqësojë vendin tonë në Bienalen e Artit në Venedik për vitin e ardhshëm.
Gjatë takimit, ministri ka shprehur përgëzimet e tij dhe i ka dëshiruar suksese në këtë rrugëtim të rëndësishëm për artin kosovar.
Diskutimi ka përfshirë konceptin e projektit “Heshtjet Kumbuese të Metalit dhe Lëkurës”, duke ndarë idetë dhe përgatitjet që po bëhen për t’u paraqitur para artistëve dhe dashamirësve të artit nga mbarë bota, thuhet në postimin në Facebook të MKRS-së.
