Kryetari i Prishtinës, Përparim Rama ka njoftuar se ka nënshkruar marrëveshje me BERZH-in me ndihmë nga SIDA Suedeze, në realizimin e projektit për ristrukturimin e rrjetit të autobusëve të Transportit Publik.
Rama në postimin e tij në Facebook ka thënë se me këtë projekt synojnë një transport urban më efikas dhe të përshtatshëm për qytetarët, duke ofruar qarkullim me autobusë modern e të rinj në shumë zona të Prishtinës.
Po ashtu inkuadrojmë sektorin e autobusëve privat në atë publik dhe digjitalizojmë gjithë sistemin e biletave.
Me realizimin e kësaj marrëveshjeje ne synojmë kryeqytet më të qëndrueshëm dhe të përshtatshëm për të gjithë qytetarët.
