Drejtoria e Insekcionit -Komuna e Prishtinës ka bërë lirimin e hapësirave publike në Parkun e Qytetit të cilat shfrytëzoheshin nga disa lokale të gatronomisë të cilat veprojnë në afërsi të parkut.
Gjithashtu janë rikthyer rrethojat e dëmtuara e të larguara të Parkut të cilat kishin për qëllim mbrojtjen e hapësirave të parkut nga uzurpimi dhe dëmtimi.
Në ndërkohë në këto hapësira të dëmtuara sërish do të rikthehen hapësirat e gjelbëra dhe Parku do të vazhdojë të mbetet destinacion i bukur dhe i pastërt për qytetarët e kryeqytetit, thuhet në postimin në Facebook të Drejtorisë së Inspekcionit-Komuna e Prishtinës.
