Presidentja e Republikës së Kosovës, Vjosa Osmani i ka dënuar sot kërcënimet e policëve të Kosovës nga Serbia dhe grupet e saj kriminale.
“Dënoj kërcënimet ndaj policëve të Kosovës nga Serbia dhe grupet e saj kriminale. Policia jonë është profesionale dhe multietnike. Kjo fushatë duhet të ndalet dhe autorët duhet të dalin para drejtësisë”.
Presidentja Osmani ka thënë se ne qëndrojmë me policët tanë ndërsa ata shërbejnë me guxim për një Kosovë më të sigurt për të gjithë, thuhet në postimin në Facebook të Presidencës së Kosovës.
